Manu Robles-Arangiz Institutuak argitaratu duen Karmelo Merinoren "La Huelga" liburuaren aurkezpena

Ekainaren 13an, Karmelo Merinok idatzi duen "La Huelga" liburuaren aurkezpena egin da goizeko 11:00tan Bilboko Barrainkua kaleko egoitzan. 289 orrialde dituen liburu honetan langileek eta sindikalistek ongi ezagutu behar dituzten legeria eta prozedura administratiboak aztertzen ditu egileak.

Karmelo Merinorekin batera German Kortabarria, ELAko idazkari nagusi ordekoak, Alazne Alonso, sindikatuaren zerbitzu juridikoen arduradunak eta Fernando Iraeta, Manu Robles-Arangiz Institutuaren zuzendariak hartu dute parte aurkezpenean.