Bidezko komertzioaz betidanik jakin nahi izan duzuena sekulan galdetzera ausartu gabe.

Bidezko merkataritza zinez bidezkoa dea ? Zer da xuxen bidezko merkataritza ? Kontzientzia garbitzeko ekintza bat ala gizartearen onerako erronka bat ? Heren-munduari begira jarritako ekimen bat edo hemengo ekoizleentzat ere balio duen portaera bat ere ? Bidezko merkataritza eta supermerkatuetako salmenta bateragarriak direa ? Bidezko merkataritza ekoizpena bakarrari dagokio edo bata ere bitartekari ezberdinei ere (garraioak, banaketa...) ? Zertan dira bidezko merkataritzako label eta markak ? Nola erosi zinez bidezkoa dena, nola hautatu ?

Michel Besson, Saint Denis uhartetik bereziki etorriko da galdera guzi hauei erantzuteko, Manu Robles-Arangiz Fundazioak antolatuko duen mintzaldi bat eskainiz, ekainaren 14an, ostegunez, 20:30etan, Baiona Ttipian duen lokalean.

Michel Besson, MINGA Sarea / Elkartearen zuzendaria da (www.minga.net) eta 1987an Andines Kooperatifaren sortzaileetatik bat (bidezko merkataritza Kooperatifa bat). Lehenago, 4 urtez bizi izan da indiar komunitate batean Kolonbian, langile izan ondoren (metalgintzan) Frantzian aitzineko 17 urteetan, lizentzia bat lortu eta soziologia sailean.

Michel Besson eta Minga sarea erreferentzia garrantzitsu bat bilakatu dira frantses estatuko "bidezko merkataritza planetan" eta ekimen garrantzitsu batzuetan parte zuzena hartu dute azken hilabete hauetan (bidezko merkataritza baten aldeko nazio arteko saloi profesionalean, "Bidezko merkataritza denetan izan dadin ! Legea alda dezagun !" kanpainan...).

Mingaren aburuz, mundializazioaren gaurko kudeaketa moldeen efektu suntsitzaileen aurrean, bidezko merkataritza gizartearen onerako zinezko erronka dugu. Ez da batere karitatezko obra batera muga daitekeen eremu bereiztua. Ardura kolektiboa bezain bat jarrera kolektibo afera da, erran nahi baita hiritartasunarena.

1999an sortua izan den Minga Elkarteak pertsona fisikoak eta egiturak  80 baino gehiago gaur egun (*)  biltzen ditu. Sare guzian zehar ekitate sozial eta ekonomikoa bermatzen duten ekintza ekonomiko batzuen eraikuntza eta garapenean parte hartzen dute.

Mintzaldirako sartzea urririk da. Halere komenigarri litzateke izena aitzinetik ematea 05 59 59 33 23ra deituz edo ondoko helbide elektronikora idatziz : ipar@mrafundazioa.org